Umeen Hiria

Zeintzuk dira gaur egun hiriek azaltzen dituzten arazo nagusienak, umeentzat zein bestelako pertsonentzat bizitzeko desegoki bihurtzen dituztenak?

Haurtzaroak sufritzen dituen muga nagusienak hiriaren ingurugiro arazo larrienekin loturik daude, horregatik umeak ingurugiroaren adierazle sentikor eta esanguratsuak dira. Egungo hirian umeak ezin du umea izan, ezin du bere eskubideen artean garrantzitsuenetakoa erabili: jolasteko eskubidea (New Yorkeko haurtzaro eta nerabezaroaren eskubideen 1989 urteko Nazioarteko Konbentzioaren 31. artikulua). Jolasteko etxetik bakarrik atera, lagunak aurkitu eta helduen zaintzarik gabe egoteko leku aproposak izan beharko lituzke. Aipatutako hori gaur egun ezinezkoa badirudi ere duela gutxi arte ohikoa zen. Hiriak denontzako espazio publikoa izan behar du. Horretarako baldintza nagusiak ondokoak dira:

• Ibilgailu eta oinezkoen arteko harremana aztertu, oinezko zein bizikleta bidezko mugikortasuna bultzatu eta defendatuko duen politika batekin: ibilgailuak libreki mugitu baina oinezkoen lehentasuna errespetatuz; oinezkoen bideek autonomia eta segurtasuna bermatu behar dizkiete hiritar ahulenei (agureak, urritasunen bat dutenak eta umeak).
• Espazio publikoen aldeko politika garatu, kaleak, enparantzak, lorategiak eta abar guztionak izan daitezen. Kategoria sozial eta belaunaldi ezberdinek konpartitutako espazioak.
• Ingurugiro segurtasuna lortu, banakako (etxe-gotorlekuaren eredua) zein gizarte mailako (polizia eta barne kontrola) defentsa handitu gabe, hau da, parte hartze sozial gehiago eta hiriaren estetikaren zaintza handiagoaren bidez.

TONUCCI, F. Umeen Hiria.

Germán Sánchez Ruiperez Fundazioa. Madril, 1987.