Gaia: Paisaiak eta lurralde-populaketak
Atala: Giza kokalekuak
Populaketa
Gizakia lurzoru-azalerez jabetu da, bere jardueretarako behar dituen eraikin eta etxebizitzak eraikitzeko. Biztanleria ez da berdin banatzen mundu osoan zehar. Zenbait gunetan, jende asko bizi da, baina badira etxebizitzarik gabeko eremu zabalak ere.
Gizakia lurraldeetan finkatzeko erari populaketa deritzo. Biztanleria herrietan, herrixketan edo etxebizitza bakartuetan finkatzen bada, landa-populaketa dela esango dugu; hirietan finkatzen bada, aldiz, hiri-populaketa dela esango dugu.
Landa-populaketa hiri-populaketa baino hedatuago dago oraindik. Hala ere, azkenaldian, hiriak puri-purian daude mundu osoan, zabaltzen eta hurbileko nekazaritza-inguruetako lurrak berenganatzen ari dira.
Europan duela zenbait hamarkada gertatu zen urbanizazio-prozesua, baina hain garatuta ez dauden herrialdeetan oraintxe ari da gauzatzen.
Ariketa interaktiboa
