Biztanleria banaketa espaziala estatuan

Dentsitatea kontuan hartuz, Espainiako biztanleriaren banaketak bi ezaugarri ditu:

Europako biztanleria-dentsitaterik txikienetakoa du Espainiak.
? Izugarrizko desberdintasunak daude eremuen artean: batzuek oso dentsitate handia dute 500 biztanle/km² baino gehiago km² bakoitzeko), eta beste batzuek oso txikia (15 biztanle/km² bakoitzeko.

	2001eko errolda	2007ko errolda	2008ko errolda
Guztizko biztanleria	41.116.802	45.116.894	46.063.511
Dentsitatea	481,45	89,38	91,26

Espainiako batez besteko biztanleria-dentsitatea 91 biztanlekoa/km² da, kilometro koadroko, Europar Batasuneko batez bestekoa 116 bizt/km² baino txikiagoa.

Dentsitaterik handieneko eskualdea Madril da (758 bizt/km²), eta txikienekoa Soria (9 bizt/km²).

Espainiako dentsitatea. (bitz/km2)

Zure koadernoan erantzuteko

Bila ezazu Espainiako eskualdeetako biztanleriaren inguruko informazioa: adibidez Estatistika Institutu Nazionalaren webgunean. Ondoren, egin mapa bat eta koloreztatu honela:

	2 milioi biztanle baino gehiago dituzten eskualdeak.
	Milioi bat eta 2 milioi biztanle bitarteko kopurua duten eskualdeak.
	500.000 eta milioi bat biztanle bitarteko kopurua duten eskualdeak.
	500.000 biztanle baino gutxiago dituzten eskualdeak.

Espainiako zer eskualdek dute biztanleria-dentsitaterik handiena? Eta txikiena?

200 bizt/km² baino dentsitate handiagoa duten eremuak

Demografiaguneak

Espainiak 40 milioi biztanle inguru ditu, baina demografia-banaketa ez da berbera eskualde guztietan. Estatuko guztizko biztanleriaren laurdena Madrilen edo Bartzelonan bizi da, eta bostena beste bost lurraldetan: Valentzian, Alacanten, Sevillan, Malagan edo Bizkaian. Beraz, guztizko biztanleriaren ia erdia zazpi lurralde horietan bizi da.

Erdi-basamortu demografikoak

Mendigune idorrak, nekazaritza estentsiborako erabiltzen direnak, lau eremutan dira nagusi: Iberiar Sistemako eskualdeetan (Cuencan, Teruelen eta Sorian), Madrilgo metropoli-barrutiaren ingurukoetan (Guadalajaran, Toledon, Avilan, Segovian eta Cuencako esparru batzuetan), Mantxan, Extremaduran, Portugaleko mugaren ondoan kokatutako eskualdeetan eta Pirinioetan (Lleidako zati batean eta Huescan).

10 bizt/km² baino dentsitate handiagoa duten eremuak

Banaketaren arrazoiak

Espainiako biztanleriaren banaketaren iturburuak edo arrazoiak honako hauek dira:

Ingurune fisikoa: Espainiako biztanle gehienak haranetan bizi dira, batez ere ibaiertzetan eta kostaldeko eremuetan.
Ezaugarri historikoak: politikaren alorrarekin (Madril Espainiako hiriburua izatearekin) zerikusi zuzena dutenak.
Ekonomia-jarduerak: funtsezkoak biztanleriaren banaketan. Lan-aukera ugariko eremuek erakartzen dute jende gehien: industriaguneek, nekazaritza intentsiboari lotutako eremuek, turismoguneek eta irisgarritasunarekin zerikusia duten esparruek (portuek).

5000 biztanle baino gehiagoko udalerriak (2008).

Zure koadernoan erantzuteko

Testuan aipatutako zer ezaugarri dituzte Valentziak eta Bizkaiak?
Eta Mantxak eta Huescak?

Hurrengoa Gora Aurrekoa