Euskal Herriko energia-politika

Energiaren Euskal Erakundea (EEE) 1982an eratu zuten, Eusko Jaurlaritzak alor horretan plan jakin bat abiarazteko beharra zegoela ikusi zuelako. Planaren bidez, Euskadiko energia-politika egituratzea, industria indartzea eta herritarren bizitza maila handitzea lortu nahi zuten.

EEEk energia-aurrezpenaren, energia berriztagarrien eta gas naturalaren inguruko ekintzak sustatzen ditu, petrolioarekiko mendekotasuna bertan behera utzi eta gas naturalaren erabilera areagotzeko, eraginkorragoa baita, eta ez hain kaltegarria ingurumenarentzat. Egungo energia-estrategiaren ardatzak honako hauek dira:

• Energia-aurrezpena eta -eraginkortasuna sustatzea jarduera-alor guztietan.
• Energia berriztagarrien bidez, Euskadiko energia-beharrei hein handi batean erantzutea.
• Petrolioaren deribatuez bestelako energia-iturrien erabilera sustatzea.
• Energia-azpiegiturak hobetzea, kalitatezko energia-hornidura segurua lortzeko.
• Kiotoko Protokoloan ezarritako helburuak lortzen laguntzea.
• Energia-alorreko teknologia-ikerkuntza eta -garapena bultzatzea.