Globalizazioa

Busan, Koreako hiria

Nazioartean nagusitu den globalizazio- edo mundializazio-prozesuaren eraginez, mendekotasun-harremanak sortu dira zenbait herrialderen artean. Geografia-esparruen arteko elkarmendekotasuna dela eta, mundua herrixka bat omen da gaur egun; izan ere, “herrixka globala” deitzen diote.

Ekonomiak mundu mailan jarduten du:

• Enpresek telekomunikazioak erabiltzen dituzte, edozein txokotako albisteak momentuan bertan ezagutzeko. Horrela, negozioak mundu osoan hedatzeko aukera dute.
• Salgaiak batera eta bestera eramateko, garraioak erabiltzen dira.
• Sistema kapitalista, ia mundu osoan ezarria, jabetza pribatuan, lehia askean eta ekonomia-etekinak lortzeko nahian oinarritzen da. Sistema kapitalista hedatu ahala, beste ekonomia mota batzuk (adibidez, komunistak, kooperatibistak eta autokontsumokoak) desagertu egin dira.
• Politika neoliberalak (lehia askean oinarritzen denak) herrialdeen arteko trukeak errazten ditu, eta, horrela, herrialdeetako merkatuetan atzerriko produktuak sartzen dira, muga-zerga handiak edo txikiak ordaindu ondoren.
• Munduko ekonomia-erakundeen kontrolaren bidez, ekonomia-mugimenduak bideratzen dira. Erakunde horietako batzuk MMA eta G8 dira.

Ekoizpena antolatzerakoan, mundu osoa hartzen da kontuan. Konpainia handiek ekoizpen-urrats bakoitza non gauzatu erabakitzen dute, abantailen arabera. Horrela, produktua herrialde jakin batean egiten dute, kasuan kasuko lehengaiaz baliatuta, eta, gero, beste herrialde batean ontziratzen dute. Azkenik, Hirugarren Munduko herrialde batean edo hainbatean saltzen dute, hiru aldiz garestiago.

13

Ariketa interaktiboa

12

Erantzun zure koadernoan