Biztanleriaren bilakaeraren aurreikuspenak

Hainbat hamarkadatan zehar, superpopulazioaren ondorioei buruzko aurreikuspenak egin dira, seme-alabak izateko adina duen biztanle kopuru handia kontuan hartuta. Nazio Batuen Biztanleria Fondoak (UNFPAk) 2000n kaleratutako datuen arabera, 2050. urtean, munduko populazioa 9.000 milioi biztanlekoa edo txikiagoa izango da; egonkortu egingo da, beraz.

• Etorkizunean, biztanleria-hazkundearen erritmoa motelagoa izango da, iraganean bezala.
• Heriotza-tasak behera egingo du, eta bizi-itxaropenak gora, batik bat herrialde azpigaratuetan, medikuntzako aurrerapenak hedatzeaz gain, eremu horietako biztanleria gazteagoa delako.
• Herrialde garatuetako heriotza-tasa hazi egingo da, zahartze-prozesuaren ondorioz.
• Jaiotza-tasa ere handitu egingo da, herrialde garatuetan gehienbat, jaiotzak sustatzeko politikei esker.
• Migrazio-mugimenduak areagotu egingo dira, nagusiki Hegoaldeko herrialdeetatik Iparraldekoetara.

Munduko biztanleria 1900ean

Munduko biztanleria 1950ean

Munduko biztanleria 2050ean